“Kurzweil Music Systems” нь электрон хөгжмийн зэмсэг үйлдвэрлэдэг Америкийн компани юм. Курзвейл нь хараагүй хүмүүст зориулсан унших машиныг хөгжүүлэгч байсан бөгөөд тэдний компани нь унших машинд зориулж боловсруулсан олон технологийг ашиглаж, хөгжмийн зорилгод нийцүүлэн ашигладаг байжээ.
Үүсгэн байгуулагч Реймонд Курзвейл жинхэнэ хөгжмийн зэмсгүүдийн дууг зөв хувилах чадвартай шинэ үеийн хөгжмийн синтезаторыг амжилттай бүтээсэн юм.
1982 онд Стиви Вондер (хөгжимчин), Рэймонд Курцвейл (шинийг санаачлагч), Брюс Цичовлас (програм хангамж хөгжүүлэгч) нар “Kurzweil Music Systems” компанийг үүсгэн байгуулжээ.
1983 онд анхны хэрэгсэл болох K250-г гаргасан ба гранд төгөлдөр хуурын нарийн төвөгтэй дууг дуурайх анхны амжилттай оролдлогод тооцогджээ.
1995 онд “Steinway & Sons”-ийн дэд ерөнхийлөгч асан (үйлдвэрлэлийн тэргүүн), туршлагатай төгөлдөр хуур зохион бүтээгч Жозеф Прамбергер тус компанид элссэн. Прамбергер "Платинум мэдрэгчтэй үйлдэл", патентлагдсан тэгш хэмтэй дууны самбар зэрэг төгөлдөр хуурын дизайны олон шинэчлэлийг авчирсан.
Рэймонд Курцвейл нь:
1999 онд АНУ-ын технологийн хамгийн өндөр нэр хүндтэй Үндэсний Технологи, Инновацийн Медаль хүртэв.
2001 онд Lemelson-MIT 500,000 долларын шагнал хүртэв.
2002 онд АНУ-ын Патентын Тамгын газраас байгуулсан Үндэсний Зохион бүтээгчдийн алдар хүндэтгэлийн танхимд түүний нэрийг оруулав.
Мөн тэрээр 21 хүндэт доктор цол хүртсэн бөгөөд АНУ-ын гурван ерөнхийлөгчийн хүндэтгэлийг хүлээсэн юм.
Олон нийтийн өргөн нэвтрүүлгийн алба (PBS) нь Курзвейлийг өнгөрсөн хоёр зууны бусад зохион бүтээгчдийн хамт Америкийг бүтээсэн 16 "хувьсгалч" -ын нэг болгож оруулав.
Inc сэтгүүл түүнийг АНУ-ын "хамгийн сонирхолтой" бизнес эрхлэгчдийн дунд 8-р байранд жагсааж, түүнийг "Эдисоны зөв өв залгамжлагч" хэмээн нэрлэжээ.
Курзвейл 2012 оноос хойш Google компанид ажиллаж байгаа бөгөөд тэрээр "инженерингийн захирал" юм.
2015 онд K250-ийн зохион бүтээлтээр Техникийн Грэмми хүртжээ.
Курзвейл нь шинэлэг түүх, өвөрмөц байдлаасаа болоод дэлхийн хөгжмийн дөрвөн том дижитал хөгжмийн хэрэгслийн нэг гэж тооцогддог.